Сунтаарга национальнай бырайыак иитинэн суол хаһаайыстыбатыгар үлэ барар

Сунтаар нэһилиэгин олохтоохторо, ыалдьыттара кэлэ-бара сылдьан, Сэргэй Сибиэрэп аатынан проспегы бетонунан бүрүйэ сылдьар оробуочайдары көрбүт буолуохтаахтар. Бу учаастакка аэропорт диэки туһаайыынан 1380 миэтэрэ суол бетоннаныахтаах.


Үлэ сакаасчытынан «Сунтарцеолит» ХЭУо буолар. Үлэни толорооччуларынан, ол эбэтэр бэдэрээтчиттэринэн күннээх Таджикистантан сылдьар оробуочайдар буолаллар.
Мин кинилэр биригэдьиирдэрин кытта кэпсэттим.

Биһиги үлэбит суолу бетоннааһын уонна тэҥнээһин буолар. Манна үлэлээбиппит уонча хонно. Самыыр түһэн мэһэйдээбэтэҕинэ, биһиги үлэбитин бу ый бүтүүтэ бүтэриэхпит диэн былаанныыбыт. Билигин биһиги 11 буолан үлэлии сылдьабыт. Кэлэр нэдиэлэҕэ көмөҕө диэн өссө 3 үлэһит кэлиэхтээх. Уопсайынан, Сунтаар улууһугар 2011 сылтан ыла үлэлиибит. Холобур, ааспыт сайын манна саҥа тутулла турар микрооройуоҥҥа (Өктөөп 100 сыла микрооройуону этэр — ааптар) 3 км курдук суолу оҥорбуппут. Ол эрэн, биһиги суолу оҥоруунан эрэ муҥурдаммаппыт, өссө дьиэ тутабыт, ону атын сиргэ көһөрөбүт. Быһата, ханнык үлэҕэ аныылларынан онно сылдьабыт, — диэн кэпсээтэ биригэдьиир.

Ааптар: Гаврил АНДРЕЕВ

Сообщение Сунтаарга национальнай бырайыак иитинэн суол хаһаайыстыбатыгар үлэ барар появились сначала на Ulus.Media — все главные новости из районов Якутии.

Комментарии закрыты.